Hapet Thirrja për Bursa në Programin Erasmus+ dhe DAAD në OTH Regensburg, Gjermani

Hapet Thirrja për Bursa në Programin Erasmus+ dhe DAAD në OTH Regensburg, Gjermani

08 maj @ 03:38
 

Universiteti i Prishtinës “Hasan Prishtina” hap thirrjen për aplikim për bursa për semestrin vjeshtor në Universitetin e "Ostbayerische Technische Hochschule Regensburg", Gjermani në kuadër të programit Erasmus + Mobility të Komisionit Europian dhe DAADMobility for learners.

Llojet e mobilitetit përfshijnë:
•    Shkëmbimin e studentëve për studime Bachelor (një semester).
•    Shkëmbimin e stafit akademik (të Fakultetit Filozofik të Universitetin e Prishtinës “Hasan Prishtina” )
Studentët duhet të jenë të regjistruar në studimet Bachelor të Departamentit të Punës Sociale në Universitetin e Prishtinës “Hasan Prishtina”. Të drejtë aplikimi kanë studentët të cilët kanë të përfunduar të paktën tre semestra.

Fushat e mobilitetit janë:
•    Studentët Bachelor (Departamenti për Punë Sociale)
•    Stafi ( Departamenti për Punë Sociale, Sociologji dhe Etnologji, Antropologji Kulturore)
Kohëzgjatja e bursave:
•    Bachelor (1 semester, 7 muaj )
•    Staf: 7 ditë

Bursat përfshijnë:
•    Kompensimin mujor 800 EUR në muaj për studentët;
•    Kompensimin 120 EUR në ditë për stafin;
•    Kostot e udhëtimit deri në 275 EUR;
Studentët që përfitojnë nga mobiliteti Erasmus + dhe DAAD janë të liruar nga pagesa për shkollim në universitetin pritës. Studentët do të vazhdojnë të paguajnë shkollimin e tyre dhe tarifat e regjistrimit në universitetin e tyre të origjinës, pra në Universitetin e Prishtinës “Hasan Prishtina“.

Dokumentet e nevojshme për aplikim për studentët për nivelin Bachelor:
•    Certifikata e notave/Transkripta
•    CV (në gjuhën angleze)
•    Foto e Pasaportës
•    Një letër rekomandimi (në gjuhën angleze)
•    Një letër motivimi (në gjuhën angleze)
•    Vërtetim studenti (i lëshuar nga fakulteti juaj në gjuhën angleze apo gjermane të përkthyer nga ndonjë përkthyes i licencuar) që konfirmon nivelin tuaj dhe vitin e studimit gjatë këtij viti akademik)
•     Certifikata e gjuhës angleze
Dokumentet e nevojshme për aplikim për stafin akademik:
•    CV (në gjuhën angleze);
Planin për mësimdhënie  (Plani për mësimdhënie për stafin akademik është një dokument në të cilin duhet të specifikohet programi juaj i propozuar që do të kryeni gjatë periudhës së shkëmbimit: (shkarko këtu);
•    Kopje e Pasaportës (faqja që përmban emrin tuaj, foton dhe të dhënat personale) ose Letërnjoftimit;
•    Certifikata e gjuhës së huaj (Niveli minimal i gjuhës angleze apo gjermane B2);

Afati për aplikim për semestrin vjeshtor  në vitin akademik  2016/2017 është deri më: 22 maj 2016.

Përzgjedhja do të bëhet duke u bazuar në notën mesatare, letrën motivuese dhe njohuritë e gjuhës angleze.
Dokumentet me titull "OTH Regensburg Application" duhet të dërgohen të skanuara tek:  [email protected], [email protected], [email protected], [email protected]

Vetëm dokumentet e kompletuara do të merren në konsideratë.

Luteni që të gjitha dokumentet t’i dërgoni të bashkangjitura në një e-mail.
Për më shumë informata rreth bursave mund të na kontaktoni në e-mail ose të na vizitoni në: Zyra për Marrëdhënie me Jashtë, Biblioteka Universitare, Rr. Eqrem Çabej, Prishtinë.


 
 

Share This Page

 
 
 
 
 

Kalendari

    «dhjetor»
    MaEnPrShDi
    2526272829301
    2345678
    9101112131415
    16171819202122
    23242526272829
    303112345